ZURE LANAREN DESKRIBAPENA

  Taberna batean zerbitzari aritu zara, eta orain adiskide bati zure esperientzia kontatu behar diozu gutun batean.

Baliabide gramatikalak: 
20-30 urte bitarteko gazte
aldi baterako kontratu, kontratu mugagabe, errelebo kontratu
astelehenetik ostiralera
egun erdiko lanaldi, lanaldi jarraitu
eskaintzen da, eskatzen da
gauez, goizez, arratsaldez
iraupen, lanegun
lanpostu, lan-ordutegi
arduratsu, zintzo, ordenatu, trebe

gustukoa da?
Nolakoa da? ona, lasaia, zaila, interesgarria, gogorra
Zer lan egiten duzu?
Zein da lan-ordutegia?
Asteburuetan lan egiten al duzu?
Noiz dituzu oporrak? Jai-egunak?
Nolakoak dira lankideak, eta nagusia?
Soldata ona duzu?

“Aurten trenez!”

Aurten trenez! 
Trenaren erabilera sustatzeko, Europako tren-konpainia nagusiek lehiaketa bat antolatu dute: “Aurten trenez!” Lehiaketan parte hartzeko, bidaia bat antolatu behar duzu. Baldintza bakarra bidaian trena erabiltzea da.
 Eginkizuna: Egin ezazu lehiaketan parte hartzeko idazlana, aurten egin nahi duzun bidaia kontatuz. Horretarako, nahi baduzu, ondoko puntuak erabil ditzakezu: ● nora, noiz eta norekin joango zaren ● zein leku ikusi nahi dituzun ● zein diren trenaren abantailak

ASMATU DUZUN ZIENTZIALARI BATEN BIOGRAFIA IDATZI

Asmatu zientzialari baten izena eta bere ekarpena. Egin ezazu haren biografia, irudi batekin hornituz. Hona hemen daturik deigarrienak:
- Non eta noiz jaio zen.
- Bere ikasketak.
-Non hasi zen lanean.
-Bere ikerketak.
- Zer sortu zuen.
-Gizartearen alde burutu zituen ekintzak.
-Garaiko gizarteak emandako trataera eta sariak.

IKASLE-TRUKEA

 Ikasle-trukea
Egoera: Institutu batean ingeles-irakaslea zara. Aurten ere Ingalaterrako ikastetxe batekin ikasle-trukea egin nahi duzue (astebetekoa). Hori dela eta, ikasleen gurasoei gutun bat idaztea erabaki duzu. Egitekoa: Kontatu iazko esperientzia nolakoa izan zen, zer egin zuten ikasleek Ingalaterran eta zer egin zuten hona etorri ziren ikasle ingelesek. Azaldu ikasle-trukearen onurak zein diren. Adierazi ingelesa jakitearen garrantzia eta azpimarratu zenbat aprobetxatuko luketen seme-alabek. Informazioa eman Ikasle-trukearen programari buruz.Azkenik, anima itzazu gurasoak parte hartzera.
 Idatzi gutuna. Gutxienez, 140 hitz idatzi beharko dituzu.

UDAN ERE BERTON!

 Udan ere berton!
 Egoera: Jendea kezkatuta dago, uda heltzen denean herria hutsik geratzen delako. Guztiak kanpora joaten dira eta herria hilik dagoela ematen du. Hori dela eta, herriko aldizkarira, irakurlearen txokora, gutun bat idaztea erabaki duzu.
 Egitekoa: Azaldu nolakoak ziren zure txikitako udak herrian, zertan ematen zenuen denbora, norekin egoten zinen, nora joaten zinen… Kontatu herrian txikitan edo gaztetan pasa zenuen uda berezi bat. Adierazi zergatik izan zen uda hura berezia. Proposatu zer egin daitekeen herriko udako bizitza berpizteko. Azkenik, animatu jendea udan herrian geratzeko.
 Idatzi gutuna. Gutxienez, 140 hitz idatzi beharko dituzu.

Azterketako idazlana

Azterketako idazlana

Azterketarako idatzi zenuen idazlana sar ezazu txoko honetan. Gainerako ikaskideek zuzenduko dizute zure testua, eta gero zuk, zuzenketak ikusita, azken zuzenketa egin beharko duzu.

Aukeratu eskaintza bat

Egitekoa: Lan-eskaintzari erantzun.
Egunkarian bi lan-eskaintza irakurri dituzu. Aukeratu eskaintza bat eta idatzi e-maila zeure burua aurkezteko eta informazio gehiago eskatzeko.
 1  Zaindaria behar da Familia batek pertsona arduratsu bat behar du emakume nagusi bat zaintzeko. Interesatua bazaude, bidali e-mail bat gLaida@hotmail.com kontaktuko helbidera.
2. Taberna-zerbitzaria behar da Taberna batean zerbitzari bat behar da barra eta mahaiak zerbitzatzeko. Lan horretan interesatuta bazaude, bidali e-mail bat gorbeiataberna@gmail.com kontaktuko helbidera.
Nahi duzun ordenan, baina ondorengo puntu guztiak aipatu behar dituzu: • Azaldu zure formazioa eta esperientzia • Zergatik interesatzen zaizun lanpostua • Zure lan egiteko modua, dedikazio maila… • Galdetu nolako lan-baldintzak (lan-egutegia, ordutegia, soldata…) izango dituzun • Lan horretatik espero duzuna

Ohartxo bat bizilagunari

Bizilagunak ohartxo hau utzi dizu atean itsatsita.

Zerbait erosi behar dut beherapenetan. Joango gara erosketak egitera? Zuk zer behar duzu? Noiz geratuko gara eta non?

Utzi zeuk beste ohar bat erantzunez.

Baliabide gramatikalak:

-Aditz-aspektua: -tu, -ko, -t(z)en, ari izan.
-t(z)eko asmoa
- Erlatibozko esaldiak
- Uste dut...(e)la.
-Lagunen arteko agurra.

Maskotarik bai? Tarantula bat edukitzekotan,..?

Tarantulazalea zara, eta horixe da zuk eduki nahi duzun maskota.
Azaldu, 12 lerrotan, hipotetikoa erabiliz:

• Non edukiko zenuke?
• Zer emango zenioke jaten?
• Nola zainduko zenuke?
• Nola luke izena?
• Nola helduko litzateke zure eskuetara.
• Zer da gehien/gutxien gustatzen zaizuna.

OHARRA: tarantulak nazkagarriak iruditzen baldin bazaizkizu, aukeratu beste maskota bat.

BILBON ALOKATZEKO

Datorren ikasturtean Bilbora ikastera joango zara lagun batzuekin. Pisu bila zabiltzate eta Interneten iragarki hau ikusi duzu.


BILBON ALOKATZEKO ERAIKIN BERRIKO ETXEBIZITZA. Informazioa: etxeberri@hilihi.com

Idatzi iragarkiko helbidera, eta eskatu pisuaren inguruko informazioa( lekua, distribuzioa, errenta, gastuak, garraioa...)

Baliabide gramatikalak
-Jakin nahiko nuke....(e)n.
- Konpletiboak.

Emakumeak Zientzian

 Einstein ospetsua da mundu guztian; Mileva Maric, berriz, ia ez du inork ezagutzen. Einsteinen lehenengo emaztea izan zen Mileva, eta lan handia egin zuen erlatibitatearen teorian. Baina Nobel saria Einsteinentzat bakarrik izan zen. Zergatik ote? Zenbat emakume zientzialari gelditu ote dira atzean, ilunetan, itzalpean, zientziaren historia ofizialetik kanpo? Zergatik dira hain ezezagunak?

TXAT BATEAN EZAGUTUTAKO PERTSONA

Duela hilabete batzuk pertsona batekin hasi zinen ordenagailuz hizketan edo txateatzen eta, harrezkero, ia egunero hitz egiten duzue. Elkarrekin ateratzeko eskatu zizun aurreko astean, baina zu zalantzan zaude proposamena onartu ez onartu.

Eginkizuna:

Idatz iezaiozu mezu bat zure lagun bati,harreman horren berri emateko eta, bide batez, aholkua eskatzeko, aurrera begira zer egin ez dakizulako.

Horretarako, nahi baduzu, hurrengo puntuak erabil ditzakezu:

●kontatu nola ezagutu zenuen txateko laguna

●laguna nolakoa den esan

●azaldu zeri buruz hitz egiten duzuen

●dituzun zalantzak azaldu

Idatzi mezua. Gutxienez,140hitz idatzi beharko dituzu.